ಯಕ್ಷಗಾನ ಕಲಾವಿದರಲ್ಲಿ ಬಹುತೇಕರು ಸಲಿಂಗಿಗಳಾಗಿದ್ದರು ಎಂಬುದು ನಿಜ! ಹಾಸ್ಟೆಲ್‌ಗಳಲ್ಲಿಯು ಸಲಿಂಗಕಾಮವಿದೆ! ಬೇಸರವಾಗಿದ್ದರೇ ಕ್ಷಮೆಯಾಚಿಸುತ್ತೇನೆ-ಡಾ.ಪುರುಷೋತ್ತಮ್ ಬಿಳಿಮಲೆ
ಆಗಿನ ಕಾಲದಲ್ಲಿನ ಯಕ್ಷಗಾನ ಕಲಾವಿದರ ಅನುಭವಗಳಲ್ಲಿ ಬಡತನವಿತ್ತು, ವೈಯಕ್ತಿಕ ಜಗಳವಿತ್ತು, ಸಲಿಂಗಕಾಮವಿತ್ತು. ಆದರೆ ಯಕ್ಷಗಾನ ಕಲಾವಿದರ ಬದುಕು ಬವಣೆ ಕುರಿತು ಲೇಖಕರು ಅಕ್ಷರರೂಪದಲ್ಲಿ ಅದನ್ನು ತರಲಿಲ್ಲ.
ಯಕ್ಷಗಾನ ಕಲಾವಿದರಲ್ಲಿ ಬಹುತೇಕರು ಸಲಿಂಗಿಗಳಾಗಿದ್ದರು ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ.ಪುರುಷೋತ್ತಮ್ ಬಿಳಿಮಲೆ ಅವರ ವಿವಾದಾತ್ಮಕ ಹೇಳಿಕೆಗೆ ರಾಜ್ಯದಲ್ಲಿ ಈಗ ತೀವ್ರ ವಿರೋಧ ವ್ಯಕ್ತವಾಗಿದೆ.
ಆದರೆ ತಾನು ಹೇಳಿದ್ದರಲ್ಲಿ ಯಾವುದೇ ತಪ್ಪಿಲ್ಲ. ನಾನು ನನ್ನ ಅಭಿಪ್ರಾಯ ಮಂಡಿಸಿದ್ದೇನೆ ಹೊರತು ಯಾರನ್ನು ಬೇಸರಗೊಳಿಸುವ ಉದ್ದೇಶ ತಮಗಿಲ್ಲ ಎಂದು ಡಾ.ಪುರುಷೋತ್ತಮ್ ಬಿಳಿಮಲೆ ಸ್ಪಷ್ಟೀಕರಣ ನೀಡಿದ್ದಾರೆ.
ಬೆಂಗಳೂರಿನಲ್ಲಿ ಮಾಧ್ಯಮಗಳ ಮುಂದೆ ಬುಧವಾರದಂದು ಹೇಳಿಕೆ ನೀಡಿರುವ ಡಾ.ಪುರುಷೋತ್ತಮ್ ಬಿಳಿಮಲೆ, ಆಗ 60, 70 ರ ದಶಕದಲ್ಲಿ ಯಕ್ಷಗಾನಕ್ಕೆ ಗಂಜಿ ಕೇಂದ್ರ ಎನ್ನುತ್ತಿದ್ದರು.
ರಾತ್ರಿಯಿಡಿ ಯಕ್ಷಗಾನ ಮಾಡುವ ಕಲಾವಿದರಿಗೆ ಆಗ ಗಂಜಿ ಮಾತ್ರ ಸಿಗುತ್ತಿತ್ತು. ಇದನ್ನು ನಾನು ಒಬ್ಬ ಯಕ್ಷಗಾನ ಕಲಾವಿದನಾಗಿ ಕಂಡಿದ್ದೇನೆ ಎಂದು ಹೇಳಿದರು.
ಆಗಿನ ಕಾಲದಲ್ಲಿನ ಯಕ್ಷಗಾನ ಕಲಾವಿದರ ಅನುಭವಗಳಲ್ಲಿ ಬಡತನವಿತ್ತು, ವೈಯಕ್ತಿಕ ಜಗಳವಿತ್ತು, ಸಲಿಂಗಕಾಮವಿತ್ತು. ಆದರೆ ಯಕ್ಷಗಾನ ಕಲಾವಿದರ ಬದುಕು ಬವಣೆ ಕುರಿತು ಲೇಖಕರು ಅಕ್ಷರರೂಪದಲ್ಲಿ ಅದನ್ನು ತರಲಿಲ್ಲ.
ಇಂತಹ ವಿಷಯಗಳು ಅಕ್ಷರವಾಗದೇ ಇದ್ದಾಗ ಅಕ್ಕರಕ್ಕೂ ಹಾಗು ಲೇಖಕರಿಗೆ ಗೌರವ ಬರುವದಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದೇ ಅಷ್ಟೇ. ಆದರೆ ನನ್ನ ಈ ವಿಚಾರಗಳನ್ನು ಬದಿಗಿಟ್ಟು ಬೇರೆ ವಿಷಯವನ್ನು ಈಗ ವಿವಾದ ಮಾಡಲು ಹೊರಟಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ಆಗಿನ ಕಾಲದ ಯಕ್ಷಗಾನ ಕಲಾವಿದರ ಕಷ್ಟ ಕಾರ್ಪಣ್ಯಗಳನ್ನು ಅಕ್ಷರ ರೂಪದಲ್ಲಿ ತಂದಿದ್ದರೇ ಸಮಾಜದ ಹಾಗೂ ಸರ್ಕಾರದ ಗಮನಕ್ಕೆ ತರಬಹುದಾಗಿತ್ತು. ಆದರೆ ಲೇಖಕರು ಆ ಕೆಲಸ ಮಾಡಲಿಲ್ಲ ಎಂಬುದು ನನ್ನ ಅಭಿಪ್ರಾಯವಾಗಿತ್ತು ಎಂದು ಹೇಳಿದರು.
ಯಕ್ಷಗಾನ ಕಲಾವಿದರಿಗೆ ಈಗ ಸಾಕಷ್ಟು ಅನುಕೂಲವಿದೆ. ಸಂಘಟಕರು ಅವರಿಗೆ ಒಳ್ಳೆಯ ಸಂಬಳ ನೀಡುತ್ತಾರೆ. ಈಗ ಸಂಜೆ 7 ಕ್ಕೆ ಶುರು ಆದರೆ ರಾತ್ರಿ 11 ಕ್ಕೆ ಯಕ್ಷಗಾನ ಮುಗಿಯುತ್ತೇ. ಆದರೆ ಆಗಿನ ಕಾಲದಲ್ಲಿ ರಾತ್ರಿಯಿಂದ ಬೆಳಗ್ಗೆವರೆಗೆ ಯಕ್ಷಗಾನ ನಡೆಯುತ್ತಿತ್ತು.
ಆಗ ಕಲಾವಿದರ ಪಟ್ಟ ಬವಣೆಗೆ ಲೇಖಕರು ಧ್ವನಿಯಾಗಬೇಕಿತ್ತು ಆದರೆ ಆ ಕೆಲಸ ಅವರು ಮಾಡಲಿಲ್ಲ ಎಂದು ಬೇಸರವ್ಯಕ್ತಪಡಿಸಿದ್ದನ್ನು ಈಗ ತಿರುಚಲಾಗುತ್ತಿದೆ ಎಂದು ಆರೋಪಿಸಿದರು.
ನನ್ನ ಹೇಳಿಕೆ ಹಿಂದಿನ ಉದ್ದೇಶ ಬಿಟ್ಟು ಈಗ ಹಲವರು ತಮ್ಮ ರಾಜೀನಾಮೆಗೆ ಹಾಗು ತಮ್ಮನ್ನು ಸ್ಥಾನದಿಂದ ಕಿತ್ತು ಹಾಕುವಂತೇ ಆಗ್ರಹಿಸುತ್ತಿದ್ದಾರೆ.
ಸರ್ಕಾರ ಬೇಕಾದರೇ ಅಧ್ಯಕ್ಷ ಸ್ಥಾನದಿಂದ ತಮ್ಮನ್ನು ಕಿತ್ತುಹಾಕಲಿ. ಇಷ್ಟಕ್ಕೂ ನನ್ನ ಹೇಳಿಕೆಯಿಂದ ಯಾರಿಗಾದರೂ ಬೇಸರವಾಗಿದ್ದಾರೆ ವಿಷಾದ ವ್ಯಕ್ತಪಡಿಸುತ್ತೇನೆ ಎಂದು ತಿಳಿಸಿದರು.
ಅಷ್ಟಕ್ಕೂ ಮೈಸೂರಿನಲ್ಲಿ ಬಿಳಿಮಲೆ ಅವರು ಹೇಳಿದ್ದೇನು?
ಯಕ್ಷಗಾನ ಕಲಾವಿದರಲ್ಲಿ ಬಹುತೇಕರು ಸಲಿಂಗಿಗಳಾಗಿದ್ದರು ಅವರಲ್ಲಿ ಅಂತಹ ಅನಿವಾರ್ಯತೆ ಇತ್ತು ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ. ಪುರುಷೋತ್ತಮ್ ಬಿಳಿಮಲೆ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಮೈಸೂರಿನಲ್ಲಿ ಮಂಗಳವಾದಂದು ಏರ್ಪಡಿಸಲಾಗಿದ್ದ ಮೈಸೂರು ವಿವಿ ನಿವೃತ್ತ ಕನ್ನಡ ಪ್ರಾಧ್ಯಾಪಕ ಪ್ರೊ.ಕೃಷ್ಣಮೂರ್ತಿ ಹನೂರು ಅವರು ರಚಿಸಿದ ಎರಡು ಪುಸ್ತಕಗಳ ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ವೇಳೆ ಈ ವಿಷಯ ಹೇಳಿದ್ದರು.
ಸ್ತ್ರೀವೇಷದ ಕಲಾವಿದ ಏನಾದರೂ ಸಲಿಂಗಕಾಮ ನಿರಾಕರಿಸಿದ್ದರೆ, ಭಾಗವತರು ಮರು ದಿವಸ ಅವರಿಗೆ ಪದ್ಯವನ್ನೇ ಕೊಡುತ್ತಿರಲಿಲ್ಲ.
ಇನ್ನು ಮುಂದುವರೆದು ಮರುದಿನದ ವೇಳೆ ಅಂತಹ ಕಲಾವಿದರ ಮೇಲೆ ವೇದಿಕೆಯ ಮೇಲೆ ಸೇಡು ತೀರಿಸಿಕೊಳ್ಳಲಾಗುತ್ತಿತ್ತು ಎಂದು ಡಾ. ಪುರುಷೋತ್ತಮ್ ಬಿಳಿಮಲೆ ಗಂಭೀರ ಆರೋಪ ಮಾಡಿದ್ದರು.
ಸತ್ಯವನ್ನು ಹೇಳಲು ಹಿಂಜರಿಯಬಾರದು ಎಂದು ಈ ಸಂದರ್ಭದಲ್ಲಿ ಹೇಳಿದ್ದ ಅವರು, ಕಲಾವಿದರು ಮೇಳಕ್ಕೆಂದು ಆರೆಂಟು ತಿಂಗಳು ತಿರುಗಾಟದಲ್ಲೇ ಇರಬೇಕಾಗಿದ್ದರಿಂದ ಅವರಿಗೆ ಯಾರೂ ಹೆಣ್ಣು ಕೊಡುತ್ತಿರಲಿಲ್ಲ.
ಅಲ್ಲಿನ ಸ್ತ್ರೀ ವೇಷಧಾರಿಗಳೂ ಯಾವಾಗಲೂ ಒತ್ತಡದಲ್ಲಿರುತ್ತಿದ್ದರು , ಅಂತಹವರ ಮೇಲೆ ಇತರರಿಗೆ ಮೋಹ ಇರುತ್ತಿತ್ತು ಎಂದು ಕನ್ನಡ ಅಭಿವೃದ್ದಿ ಪ್ರಾಧಿಕಾರದ ಅಧ್ಯಕ್ಷ ಡಾ.ಪುರುಷೋತ್ತಮ ಬಿಳಿಮಲೆ ಹೇಳಿದ್ದರು.
ಆಗಿನ ಕಾಲದ ಯಕ್ಷಗಾನ ಕಲಾವಿದರ ಬದುಕಿನಲ್ಲಿ ದುರಂತ ಕಾವ್ಯಗಳು ಇವೆ. ಅದನ್ನು ಗ್ರಹಿಸುವ ಶಕ್ತಿ ಸಮಾಜಕ್ಕೆ ಇಲ್ಲವಾಗಿದೆ.
ಕಲಾವಿದರ ಹಾಡಿಗೆ ಚಪ್ಪಾಳೆಯಷ್ಟೇ ಮುಖ್ಯವಾಗಬಾರದು. ಅವರ ಬದುಕಿನ ಬಿಕ್ಕಟ್ಟಿನ ಕಾವ್ಯಕ್ಕೆ ಅಕ್ಷರಸ್ಥರು, ಲೇಖಕರು ಧ್ವನಿಯಾಗಬೇಕು ಎಂದು ಕರೆ ನೀಡಿದ್ದರು.
ವರದಿ: ವಿಜಯೀಂದ್ರ ಹುನಗುಂದ್‌
ಪ್ರಧಾನ ಸಂಪಾದಕ
ನ್ಯೂಇಂಡಿಯಾ ಕನ್ನಡ
ಬೆಂಗಳೂರು
