ಹಿಂದೂ ಮಹಾಸಭಾ ಗಣಪತಿ ಮೆರವಣಿಗೆ ಹಿನ್ನೆಲೆ|ಸುಗಮ ವಾಹನ ಸಂಚಾರಕ್ಕೆ ಬದಲಿ ಮಾರ್ಗ|ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ಆದೇಶ
ಮೆರವಣಿಗೆ ಸಾಗುವ ಮಾರ್ಗದ ಸುತ್ತಮುತ್ತಲಿನ 100 ಮೀಟರ್ ಅಂತರದಲ್ಲಿ ವಾಹನ ಸಂಚಾರ ಮತ್ತು ವಾಹನ ನಿಲುಗಡೆ ನಿಷೇಧಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ತಿಳಿಸಿದ್ದಾರೆ.
ಶಿವಮೊಗ್ಗ: ಹಿಂದೂ ಮಹಾಸಭಾದ ಗಣಪತಿ ವಿಸರ್ಜನಾ ಪೂರ್ವ ಮೆರವಣಿಗೆ ಸೆಪ್ಟಂಬರ್ 25ರಂದು ನಡೆಯುವ ಹಿನ್ನೆಲೆಯಲ್ಲಿ ನಗರದಲ್ಲಿ ಕೆಲ ಮಾರ್ಗಗಳನ್ನು ಬಂದ್ ಮಾಡಲಾಗಿದೆ.
ಸಾರ್ವಜನಿಕರ ಅನುಕೂಲಕ್ಕಾಗಿ ಬದಲಿ ಮಾರ್ಗಗಳನ್ನ ಸೂಚಿಸಿ ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ಅಧಿಸೂಚನೆ ಹೊರಡಿಸಿದ್ದಾರೆ.
ಯಾವ ಮಾರ್ಗದಲ್ಲಿ ಮೆರವಣಿಗೆ?
ಸೆಪ್ಟೆಂಬರ್ 25 ರಂದು ಹಿಂದೂ ಮಹಾಸಭಾಪತಿ ರಾಜಬೀದಿ ಉತ್ಸವ ನಡೆಯಲಿದೆ.
ಮೆರವಣಿಗೆಯು ಭೀಮೇಶ್ವರ ದೇವಾಲಯದಿಂದ ರಾಮಣ್ಣಶೆಟ್ಟಿ ಪಾರ್ಕ್, ಗಾಂಧೀಬಜಾರ್ ಮುಖ್ಯ ರಸ್ತೆ, ಎಎ ಸರ್ಕಲ್ , ನೆಹರೂರಸ್ತೆ, ಗೋಪಿಸರ್ಕಲ್, ದುರ್ಗೀಗುಡಿ, ಜೈಲ್ ಸರ್ಕಲ್, ಶಿವಮೂರ್ತಿ ಸರ್ಕಲ್ ,ಮಹಾವೀರ ಸರ್ಕಲ್, ಡಿವಿಎಸ್ ಸರ್ಕಲ್ ಮೂಲಕ ಕಾನ್ವೆಂಟ್ ರೋಡ್, ಕೋಟೆ ರಸ್ತೆ ಮೂಲಕ ಹಿಂದೂ ಮಹಾಸಭಾಪತಿ ರಾಜ ಬೀದಿ ಮೆರವಣಿಗೆ ನಡೆದು ಭೀಮೇಶ್ವರ ದೇವಾಲಯದ ಹಿಂಭಾಗದ ತುಂಗಾನದಿ ತಟದಲ್ಲಿ ವಿಸರ್ಜನೆಯಾಗಲಿದೆ.
ಈ ಹಿನ್ನೆಲೆಯಲ್ಲಿ ಕೋಟೆ ರಸ್ತೆ, ಒಲ್ಡ್ ಬಾರಲೈನ್ ರಸ್ತೆಯಲ್ಲಿ ವಾಹನ ಸಂಚಾರ ನಿಷೇಧಿಸಲಾಗಿದೆ.
ಇನ್ನು ಮೆರವಣಿಗೆ ಸಾಗುವ ಮಾರ್ಗದ ಸುತ್ತಮುತ್ತಲಿನ 100 ಮೀಟರ್ ಅಂತರದಲ್ಲಿ ವಾಹನ ಸಂಚಾರ ಮತ್ತು ವಾಹನ ನಿಲುಗಡೆ ನಿಷೇಧಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ತಿಳಿಸಿದ್ದಾರೆ.
ಸೆಪ್ಟೆಂಬರ್ 25ರಂದು ಬೆಳಿಗ್ಗೆ 6 ರಿಂದ ರಾತ್ರಿ 12 ಗಂಟೆವರೆಗೆ ವಾಹನಗಳ ಮಾರ್ಗ ಬದಲಾವಣೆ ವಿವರ
- ಶಿಕಾರಿಪುರ, ಸೊರಬ ಆನವಟ್ಟಿ,ಯಿಂದ ಶಿವಮೊಗ್ಗಕ್ಕೆ ಬರುವ ಹೋಗುವ ಬಸ್ಸುಗಳು, ಭಾರೀ ವಾಹನಗಳು ಉಷಾನರ್ಸಿಂಗ್ ಹೋಮ್ ಸರ್ಕಲ್ನಿಂದ ಲಕ್ಮೀಟಾಕೀಸ್, ಪೊಲೀಸ್ ಚೌಕಿಗೆ, ಆಲ್ಕೊಳ ಸರ್ಕಲ್ ಮೂಲಕ ಸಾಗರ ರಸ್ತೆ ಮಾರ್ಗ ಅನುಸರಿಸಬೇಕಿದೆ.
- ಕೆಎಸ್ಆರ್ಟಿಸಿ, ಖಾಸಗೀ ಬಸ್ ನಿಲ್ದಾಣದಿಂದ ಬೆಂಗಳೂರು ಭದ್ರಾವತಿಗೆ ಸಾಗುವ ಬಸ್ಗಳು ಬೈಪಾಸ್ ರಸ್ತೆ, ಎಂಆರ್ ಎಸ್ ಸರ್ಕಲ್ ಮೂಲಕ ಸಾಗಲು ಬದಲಿ ಮಾರ್ಗ ಸೂಚಿಸಲಾಗಿದೆ.
- ಹೊನ್ನಾಳಿ ಹರಿಹರ, ದಾವಣಗೆರೆಯಿಂದ ಬರುವ ಮತ್ತು ಹೋಗುವ ಭಾರೀ ವಾಹನ ಮತ್ತು ಬಸ್ಸುಗಳು ಸಂಗೊಳ್ಳಿ ರಾಯಣ್ಣ ಸರ್ಕಲ್, ಶಂಕರಮಠ ಸರ್ಕಲ್ ಹೊಳೆಹೊನ್ನೂರು ಸರ್ಕಲ್, ವಿದ್ಯಾ ನಗರ ಎಂಆರ್ ಎಸ್ ಸರ್ಕಲ್ ,ಬೈಪಾಸ್ ರಸ್ತೆ ಮಾರ್ಗದಲ್ಲಿ ಸಂಚರಿಸಬೇಕಾಗಿದೆ
- ಬೆಂಗಳೂರು, ಭದ್ರಾವತಿ,ಎನ್ ಆರ್ ಪುರದಿಂದ ಬರುವ ಲಘುವಾಹನ, ಭಾರೀ ವಾಹನಗಳು ಬಸ್ಸುಗಳು, ಸಿಟಿಬಸ್ಸುಗಳು , ಹಾಗೇ ಚಿತ್ರದುರ್ಗ, ಹೊಳೆಹೊನ್ನೂರಿನಿಂದ ಬರುವ ವಾಹನಗಳು ಎಂಆರ್ ಎಸ್ ಸರ್ಕಲ್ ನಿಂದ ಬೈಪಾಸ್ ರಸ್ತೆ ಮಾರ್ಗವಾಗಿ ಸಂಚರಿಸತಕ್ಕದ್ದು
- ಕೆಎಸ್ಆರ್ಟಿಸಿ, ಖಾಸಗೀ ಬಸ್ ನಿಲ್ದಾಣದಿಂದ ತೆರಳುವ ಹೊನ್ನಾಳಿ, ಶಿಕಾರಿಪುರ, ಸೊರಬ ,ಹರಿಹರ ದಾವಣಗೆರೆಗೆ ಸಂಚರಿಸುವ ಎಲ್ಲಾ ಭಾರೀವಾಹನಗಳು, ಬಸ್ಸುಗಳು ಸಾಗರ ರಸ್ತೆ, ಹೆಲಿಪ್ಯಾಡ್ ಸರ್ಕಲ್, ಆಲ್ಕೊಳ, ಪೊಲೀಸ್ ಚೌಕಿ,ರಾಜಕುಮಾರ್ ಸರ್ಕಲ್ , ಬೊಮ್ಮನಕಟ್ಟೆ , ಸವಳಂಗ ರಸ್ತೆ ಮಾರ್ಗವಾಗಿ ಸಂಚರಿಸುವಂತೆ ಜಿಲ್ಲಾಡಳಿತ ಅಧಿಸೂಚನೆ ಹೊರಡಿಸಿದೆ.
ವರದಿ: ಸೌಮ್ಯ ಹೆಚ್.ಪಿ
ಬ್ಯುರೋ ಚೀಫ್
ನ್ಯೂಇಂಡಿಯಾ ಕನ್ನಡ
ಶಿವಮೊಗ್ಗ.
